விக்கிலீக்ஸ் இணையத்தள ஸ்தாபகர் இன்று கைது

விக்கிலீக்ஸ் இணையத்தள ஸ்தாபகரான ஜூலியன் அசாஞ்ஞே இன்று பிரித்தானியாவில் கைதுசெய்யப்பட்டுள்ளார்.

இரண்டு பெண்களை அவர்களின் விருப்பமின்றி பாலியல்வல்லுறவிற்கு ஈடுபடுத்தினார் என்ற குற்றஞ்சாட்டின் பேரிலேயே இவர் கைது செய்யப்பட்டுள்ளார்.

எனினும் அவர் இக்குற்றஞ்சாட்டுக்களை மறுத்துள்ளமை குறிப்பிடத்தக்கது.

பிரித்தானிய நேரப்படி இவர் இன்று காலை 9.30 மணியளவில் மத்திய லண்டனில் உள்ள பொலிஸ் நிலையத்தில் சரணடைய சென்றிருந்த வேளையிலேயே கைது செய்யப்பட்டுள்ளார்.

இதனைத்தொடர்ந்து இவர் வெஸ்மினிஸ்டர் மஜிஸ்திரேட் நீதிமன்றத்தின் முன் நிறுத்தப்படவுள்ளார்.

எனினும் இது தொடர்பில் கருத்து தெரிவித்துள்ள ஜூலியன், இது தன்னை முடக்குவதற்கான சதியெனவும் தெரிவித்துள்ளார்.