ஊடக சுதந்திரம் குறித்த சட்டத்தில் ஒபாமா கைச்சாத்து

ஊடக சுதந்திரம் தொடர்பான புதிய சட்டமொன்றில் அமெரிக்க ஜாதிபதி பரக் ஒபாமா கைச்சாத்திட்டுள்ளதாகத் அமெரிக்க ஊடகங்கள் செய்திகளை வெளியிட்டுள்ளன.இச்சட்டத்திற்கு டெனியல் பெர்ல் ஊடக சுதந்திர சட்டம் என பெயரிடப்பட்டுள்ளது.

2002 ம் ஆண்டு பாகிஸ்தானில் தலை துண்டிக்கப்பட்டு படுகொலை செய்யப்பட்ட அமெரிக்க ஊடகவியலாளர் டெனியல் பெர்லிற்கு கௌரவமளிக்கும் வகையில் இந்த சட்டம் உருவாக்கப்பட்டுள்ளது.

தீவிரவாத இஸ்லாமிய குழுக்கள் தொடர்பில் வேல் ஸ்ட்ரீட் செய்தி சேகரிப்பில் ஈடுபட்ட போது டெனியல் பெர்ல் படுகொலை செய்யப்பட்டார். இந்த சட்டத்தின் மூலம் ஊடக சுதந்திரத்தை மீறும் நாடுகளுக்கு வலுவான ஓர் எச்சரிக்கையை அமெரிக்க அரசாங்கம் விடுப்பதாக பரக் ஒபாமா தெரிவித்துள்ளார்.