15 நவம்பர், 2009

கப்பலிலிருந்து வெளியேறிய 78இலங்கையர்கள் பின்டன் தீவுக்கு அனுப்பிவைப்பு-

அவுஸ்திரேலியாவுக்கு அரசியல் தஞ்சம்கோரிச் சென்றிருந்த 78இலங்கையர்களில் 22பேர் அவர்கள் தங்கியுள்ள கப்பலிலிருந்து நேற்று வெளியேறியுள்ளனர். இந்த 22இலங்கையர்களில் அரசியல் புகலிடம் தொடர்பாக தேவையான நடவடிக்கைகளை எடுப்பதற்கு சிங்கப்பூருக்கு பின்டன் தீவுக்கு அழைத்துச் செல்லப்பட்டதாக இந்தோனேசிய அதிகாரிகள் தெரிவித்துள்ளனர். பின்டன் தீவிலுள்ள அவுஸ்திரேலிய முதலீட்டினால் மேற்கொள்ளப்பட்டுவரும் தஞ்சன்பினான் என்ற நிலையத்தினால் இந்நடவடிக்கை மேற்கொள்ளப்படுகின்றது. இதேவேளை அவுஸ்திரேலியாவின் அரசியல் புகலிடம் எதிர்பார்த்துச் சென்ற ஏனைய 56இலங்கையர்களும் தொடர்ந்தும் ஓசியானிக் வைகிங் கப்பலில் தங்கியுள்ளனர். இவர்கள் கப்பலிலிருந்து வெளியேறுவதாக இருந்தால் நான்கிற்கும் ஆறிற்குமிடையிலான வாரங்களுக்குள் அவர்களுக்கு தங்குமிடம் பெற்றுக்கொடுக்க அவுஸ்திரேலிய அதிகாரிகள் விருப்பம் தெரிவித்துள்ளதாக இந்தோனேசிய தகவல்கள் கூறுகின்றன.
மேலும் இங்கே தொடர்க...


தேசிய சிறுநீரக மாற்று சிகிச்சை நிலையம் கொழும்பு மாளிகாவத்தையில் நேற்று ஜனாதிபதி மஹிந்த ராஜபக்ஷவினால் திறந்து வைக்கப்பட்ட போது எடுக்கப்பட்ட படம். ரூ. 450 மில். செலவில் நிர்மாணிக்கப்பட்டுள்ள புதிய கட்டடத்தில் 111 படுக்கை வசதிகள் உள்ளன. அமைச்சர்களான நிமல் சிறிபால டி சில்வா, ஏ. எச். எம். பெளசி மற்றும் சிறுநீரக மாற்று சிகிச்சை நிபுணர் றிஸ்வி ஷெரீப் ஆகியோரும் கலந்துகொண்டனர்.

சு.க தேசிய மாநாடு இன்று கொழும்பில்

வடக்கு, கிழக்கு உட்பட நாடு முழுவதிலிருந்தும் ஒரு இலட்சம் பிரதிநிதிகள்
35 வெளிநாட்டு பிரமுகர்களும் பங்கேற்பு

ஸ்ரீலங்கா சுதந்திரக்கட்சியின் தேசிய மாநாடு இன்று ஜனாதிபதி மஹிந்த ராஜபக்ஷ தலைமையில் கொழும்பில் நடைபெறுகிறது.

ஸ்ரீலங்கா சுதந்திரக்கட்சி உட்பட ஐக்கிய மக்கள் சுதந்திர முன்னணியில் அங்கம் வகிக்கும் அனைத்து கட்சிகளும் இத்தேசிய மாநாட்டில் கலந்துகொள்கின்றன.

இன்று மாலை 3.00 மணிக்கு கொழும்பு, கெத்தாராம விளையாட்டரங்கில் நடைபெறும் தேசிய மாநாட்டில் ஸ்ரீலங்கா சுதந்திரக்கட்சி ஆதரவாளர்கள், வெளிநாட்டு பிரதிநிதிகள் உட்பட சுமார் ஒருலட்சம் பேர் கலந்துகொள்வார்களென எதிர்பார்க்கப்படுகிறது.

அதேநேரம், 35 நாடுகளிலிருந்து நேசக்கட்சிகளின் பிரதிநிதிகள் கலந்துகொள்ளவுள்ளனர். ஏற்கனவே, பல வெளிநாட்டுப் பிரதிநிதிகள் இதில் கலந்துகொள்வதற்காக இலங்கை வந்துள்ளனர்.

இதேநேரம், கெத்தாராம விளையாட்டரங்கு உட்பட மாநாடு நடைபெறும் பகுதியைச் சூழவுள்ள பகுதிகளிலும் சுமார் 3000 பொலிஸார் பாதுகாப்பு கடமையிலீடுபடுத்தப்பட்டுள்ளனர்.

பயங்கரவாதம் ஒழிக்கப்பட்டதன் பின்னர் முதல் முறையாக சுதந்திரமாக நடத்தப்படுகின்ற தேசிய மாநாட்டில் முதல் முறையாக வடக் கிலிருந்தும், கிழக்கிலிருந்தும் பெருந்தொகையான தமிழ் மக்கள் கலந்துகொள்கின்றனர் என்பது குறிப்பிடத்தக்கது. வன்னியிலிருந்து மூவினங்களை யும் சேர்ந்த 1000 சு. க. ஆதரவாளர்கள் கட்சியின் அமைப்பாளர் சுமதிபால தலைமையில் கலந்துகொள்கின்றனர்.

தேசிய மாநாட்டைமுன்னிட்டு போக்குவரத்து பொலிஸார் விசேட போக்குவரத்து ஒழுங்குகளைச் செய்துள்ளனர்.

“இனி நாம் நாட்டைக் கட்டியெழுப்புவோம்” என்ற தொனிப் பொருளின் கீழ் நடைபெறும் இத் தேசிய மாநாடு மிக முக்கியம் வாய்ந்தது என ஸ்ரீல.சு.க. முக்கியஸ்தர் ஒருவர் தெரிவித்தார்.

ஸ்ரீல.சு.க மாவட்ட அமைப்பாளர்களுக்கு நியமனம் வழங்குதல் உட்பட முக்கிய தீர்மானங்களும் நிறைவேற்றப்படவுள்ளன. நாட்டு மக்களுக்கு மிகவும் நன்மை பயக்கக்கூடிய முக்கிய அறிவித்தல்களையும் ஜனாதிபதி இந்த மாநாட்டின் போது அறிவிப்பாரென அறிவிக் கப்பட்டுள்ளது. தேர்தல் தொடர்பாகவும் ஜனாதிபதி இந்த மாநாட்டில் அறிவிக்கவுள்ளார்.

ஜனாதிபதித் தேர்தலா? அல்லது பொதுத் தேர்தலா? முதலில் நடத்துவதென ஜனா திபதி இன்று அறிவிப்பார்.

ஸ்ரீல.சு.க வில் இணைந்து கொண்டு உப தலைவராகப் பதவியேற்றுக் கொண் டுள்ள அமைச்சர் விநாயகமூர்த்தி முரளிதரன் (கருணா அம்மான்) தலைமையில் முதல் முறையாக சுமார் 4000க்கும் மேற்பட்ட ஆதரவாளர்கள் மாநாட்டில் கலந்து கொள்ளவுள்ளனர்.

அமைச்சர் டக்ளஸ் தேவானந்தா தலைமையில் வடக்கிலிருந்தும் முதல் முறையாக பெருந்திரளானோர் கலந்து கொள்கின்றனர்.

கடந்த சில தினங்களாக மாவட்ட மட்டத்திலும் பிரதேச மட்டத்திலும் கட்சிக் கூட்டங்கள் நடத்தப்பட்டு, தேசிய ஒற்றுமை, பொருளாதாரம், அரசியல் தொடர்பில் எதிர்கால வேலைத் திட்டங்கள் தொடர்பாக ஆராயப்பட்டு பெறப்பட்ட ஆலோசனைகளின் அடிப்படையில் தயா ரிக்கப்பட்ட ஆலோசனைகள் மாநாட்டில் முன்வைக்கப்படுமென அமைச்சர் மைத்திரிபால சிறிசேன தெரிவித்தார்.

ஸ்ரீல.சு.க வின் தேசிய மாநாட்டுக்கு ஏனைய கட்சிகளுக்கும் அழைப்பு விடுக்கப்பட்டுள்ளதாக ஊடகத்துறை அமைச்சர் லக்ஷ்மன் யாப்பா அபேவர்தன தெரிவித்தார்.

மாநாடு நடைபெறுவதை முன்னிட்டு தலைநகரில் எந்தவொரு வீதியும் மூடப்படமாட்டாது.

இன்று காலை 10.00 மணி முதல் இரவு 9.00 மணி வரை விசேட போக்குவரத்து ஒழுங்குகள் செய்யப்பட்டுள்ளதாக சிரேஷ்ட ஊடக பேச்சாளர் பிரதிப் பொலிஸ் மா அதிபர் நிமல் மெதிவக்க தெரிவித்தார்.

போக்குவரத்து நெரிசல் காணப்படும் வீதிகள் எவை என்பது பற்றியும் பொலிஸார் அறிவுறுத்தியுள்ளனர். இந்த வீதிகளினூடாக செல்லவேண்டாம் என பொலிஸார் தெரிவிக்கவில்லை. எனினும், போக்குவரத்து நெரிசல் அதிகமாக காணப்படுவதால் மாற்றுவழிகளை பயன்படுத்த முடியும் என்றும் பொலிஸார் தெரிவிக்கின்றனர்.

மேலும் இங்கே தொடர்க...
14.11.09
நாகபூசணி அம்மன் ஆலயத்தில் அதிசய நாக சிலை! மட்டக்களப்பு மாவட்டத்தில்



மாவடிவேம்பு எனும் கிராமத்தில் நாகபூசணி அம்மன் ஆலயம் அமைந்துள்ளது. இக்கோவிலில் நேற்று முன்தினம் (10.11.2009) மாலை 4.00 மணியளவில் ஓர் அதிசயம் இடம்பெற்றுள்ளது.

சிறுமியாக மனித உருவில் தோன்றிய நாகபூசணி அம்பாள் ஏனைய சிறுவர்களுடன் சேர்ந்து விளையாடியதாகவும் பின்னர் பெரியோர் அவதானித்ததும் ஆலமரத்திற்கு கீழே சென்று, நாகத்தின் உருவில் சிலையாக மாறிவிட்டதாகவும் கூறப்படுகின்றது. பி.ப. 5.00 மணிவரையும் அச்சிலைக்கு இதயத்துடிப்பு இருந்ததாகவும் கூறப்படுகின்றது.

அதன் வால்பகுதி மரத்தில் உள்நுழைந்திருப்பதுடன் வெளியே தலைப்பகுதி மாத்திரம் காணப்படுகின்றது. நேற்றிலிருந்து பலர் புதிதாகத் தோன்றிய இந்தச் சிலையைப் பார்வையிட்டு வருகின்றார்கள்.
போலி வாக்குறுதிகளை வழங்காதீர்கள் : ஐ.தே.முன்னணிக்கு மல்வத்த பீடாதிபதி அறிவுரை


"மக்களின் நலன்கருதி வேறுபட்ட கட்சிகளைச் சேர்ந்த அரசியல் தலைவர்கள் ஒன்று சேர்ந்திருப்பதை வரவேற்கும் அதேவேளை, பொய் வாக்குறுதிகளை வழங்கி மக்களை ஏமாற்றுவதை அரசியல் கட்சிகள் தவிர்த்துக்கொள்ள வேண்டும் என ஐக்கிய தேசிய முன்னணி உறுப்பினர்களுக்கு ஆசி வழங்கிய கண்டி மல்வத்த பீடாதிபதி திப்பட்டுவாவே சித்தார்த்த ஸ்ரீ சுமங்கள தேரர் தெரிவித்துள்ளார்.

ஐக்கிய தேசிய முன்னணியினர் தமது கொள்கை விளக்கக் கோவையினை மல்வத்த பீடாதிபதியிடம் இன்று சனிக்கிழமை காலை கையளித்து ஆசிபெற்ற பின்னரே அவர் இவ்வாறு குறிப்பிட்டுள்ளார்.

ஐக்கிய தேசியக் கட்சி, ஸ்ரீலங்கா சுதந்திரக் கட்சியின் மக்கள் பிரிவு, ஸ்ரீலங்கா முஸ்லிம் காங்கிரஸ் ஆகிய பிரதான கட்சிகள் இணைந்து கொழும்பிலிருந்து வாகனத் தொடரணியாக கண்டிக்குச் சென்றனர்.

எதிர்க்கட்சித் தலைவர் ரணில் விக்கிரமசிங்க, பிரதித் தலைவர் கரு ஜயசூரிய, ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம், ஸ்ரீலங்கா சுதந்திரக் கட்சி மக்கள் பிரிவுத் தலைவர் மங்கள சமரவீர உள்ளிட்ட எதிர்க்கட்சி நாடாளுமன்ற உறுப்பினர்கள் பலரும் இதில் கலந்து கொண்டனர்.

"மாகாண சபைகளினூடாக மக்களுக்கு உரிய சேவைகள் ஆற்றப்படுவதில்லை என்பதே எனது கருத்தாகும். நாட்டுக்கு நிறைவேற்று அதிகாரமில்லாத மக்கள் பலம் கொண்ட ஆட்சி பொருத்தமாக இருக்கும் என நினைக்கிறேன். இது எனது சொந்த அபிப்பிராயமாகும்.

நாட்டுக்காகவும் மக்களுக்காகவும் சேவை செய்வதற்கு அரசியல் தலைவர்கள் எப்போதும் தயாராக இருக்க வேண்டும்" என பீடாதிபதி இதன்போது வேண்டுகோள் விடுத்தார்.

"நாட்டில் மனித உரிமைகளுக்கு இடமில்லை. பொருளாதாரம் நாளுக்கு நாள் அபிவிருத்தியில் குறைந்து வருகிறது. சுதந்திரமான ஜனநாயக நாட்டை கட்டியெழுப்புவதற்காகவே நாம் ஒன்றிணைந்தோம்.

நாட்டின் அபிவிருத்திக்காகவும் மக்களின் வாழ்வாதாரத்தை அதிகரிக்கவும் நாம் தொடர்ந்தும் பாடுபடுவோம்" என ஐக்கிய தேசியக் கட்சித் தலைவர் ரணில் விக்கிரமசிங்க அங்கு உரையாற்றுகையில் குறிப்பிட்டார்.

கொழும்பிலிருந்து தொடரணியாகச் சென்ற மேற்படி குழுவினர், இன்று காலை 9.00 மணியளவில் கண்டி தலதா மாளிகைக்குச் சென்று வழிபாடுகளில் ஈடுபட்டனர். அதன் பின்னர் மல்வத்த பீடத்துக்குச் சென்றனர்.

கண்டி செல்வ விநாயகர் ஆலயத்திற்கு சென்று வழிபாடுகளில் ஈடுபட்டதோடு கண்டி மீரா மக்காம் முஸ்லிம் பள்ளிவாசல், கண்டி மறைமாவட்ட ஆயர் இல்லம் ஆகிய வழிபாட்டுத் தலங்களுக்கும் சென்று அவர்கள் வழிபட்டதாக எமது செய்தியாளர் தெரிவித்தார்
பண்டாரநாயக்கா சர்வதேச விமான நிலையத்தில தங்கம் கடத்த முயன்றவர் கைது


பண்டாரநாயக்கா சர்வதேச விமான நிலையத்திலிருந்து 30 லட்சம் ரூபா பெறுமதியான தங்க நகைகளுடன் தப்பிச் செல்ல முயன்ற 45 வயதான இந்தியப் பிரஜை ஒருவரை சுங்கத் திணைக்கள விசாரணைப் பிரிவு அதிகாரிகள் இன்று அதிகாலை கைது செய்துள்ளனர்.

சென்னையிலிருந்து இலங்கைக்கு வந்த விமானம் இன்று அதிகாலை 3.00 மணியளவில் தரையிறங்கியவுடன் சந்தேகத்திற்கிடமான முறையில் ஒருவர் நடமாடியதைக் கண்ட அதிகாரிகள் அந்நபரிடம் விசாரணைகளை மேற்கொண்டனர்.

இதன்போது அவரிடம் சுமார் 1 கிலோகிராம் நிறையுடைய தங்க ஆபரணங்கள் இருந்தமை கண்டுபிடிக்கப்பட்டது.

இலங்கையிலிருந்து அமெரிக்காவுக்குப் பயணமாகவுள்ளதாக சந்தேக நபர் அதிகாரிகளிடம் கூறியுள்ளதுடன் தப்பிச்செல்லவும் முயன்றுள்ளார்.

இவர் தொடர்பாக மேலதிக விசாரணைகள் தற்போது இடம்பெற்று வருவதாக சுங்கத் திணைக்கள அதிகாரி ஒருவர் எமது இணையத்தளத்திற்குவா தெரிவித்தார்.
பண்டாரநாயக்கா சர்வதேச விமான நிலையத்தில தங்கம் கடத்த முயன்றவர் கைது


இலங்கை பண்டாரநாயக்கா சர்வதேச விமான நிலையத்திலிருந்து 30 லட்சம் ரூபா பெறுமதியான தங்க நகைகளுடன் தப்பிச் செல்ல முயன்ற 45 வயதான இந்தியப் பிரஜை ஒருவரை சுங்கத் திணைக்கள விசாரணைப் பிரிவு அதிகாரிகள் இன்று அதிகாலை கைது செய்துள்ளனர்.

சென்னையிலிருந்து இலங்கைக்கு வந்த விமானம் இன்று அதிகாலை 3.00 மணியளவில் தரையிறங்கியவுடன் சந்தேகத்திற்கிடமான முறையில் ஒருவர் நடமாடியதைக் கண்ட அதிகாரிகள் அந்நபரிடம் விசாரணைகளை மேற்கொண்டனர்.

இதன்போது அவரிடம் சுமார் 1 கிலோகிராம் நிறையுடைய தங்க ஆபரணங்கள் இருந்தமை கண்டுபிடிக்கப்பட்டது.

இலங்கையிலிருந்து அமெரிக்காவுக்குப் பயணமாகவுள்ளதாக சந்தேக நபர் அதிகாரிகளிடம் கூறியுள்ளதுடன் தப்பிச்செல்லவும் முயன்றுள்ளார்.

இவர் தொடர்பாக மேலதிக விசாரணைகள் தற்போது இடம்பெற்று வருவதாக சுங்கத் திணைக்கள அதிகாரி ஒருவர் எமது இணையத்தளத்திற்குவா தெரிவித்தார்.
கடிதம் பகிரங்கமானது நெறிமுறைகளுக்கு முரண்-அமைச்சர் சமரசிங்க



கூட்டுப்படைகளின் தலைமை அதிகாரி ஜெனரல் சரத் பொன்சேகா ஜனாதிபதி மஹிந்த ராஜபக்ஷவிற்கு எழுதியுள்ள கடிதம் கிடைத்துள்ளது. சீருடையில் எழுதியிருக்கின்ற கடிதத்தை ஜனாதிபதி வெளியிட்டிருக்கமாட்டார். அந்தக் கடிதத்தை ஜெனரல் பகிரங்கப்படுத்தியிருந்தால் அது நேர்மையற்றது. நீதி நெறிமுறைகளுக்கு முரணானது என மனித உரிமைகள் மற்றும் இடர் முகாமைத்துவ அமைச்சர் மஹிந்த சமரசிங்க தெரிவித்தார்.

ஜனாதிபதி செயலகத்தில் நேற்று வெள்ளிக்கிழமை நடைபெற்ற ஊடகவியலாளர் மாநாட்டில் கலந்துகொண்ட செய்தியாளர்கள் கேட்ட கேள்விகளுக்கு பதிலளிக்கும் போதே அவர் மேற்கண்டவாறு தெரிவித்தார். அமைச்சர் தொடர்ந்து பதிலளிக்கையில், ஜெனரல் ஜனாதிபதிக்கு எழுதியுள்ள கடிதத்திற்கு பதிலளிக்குமாறு ஜனாதிபதி பணித்துள்ளார். அக்கடிதம் உத்தியோகபூர்வமாக வெளியிடப்படவில்லை. இந்நிலையில் கடிதத்தில் குறிப்பிடப்பட்டுள்ள விடயங்கள் தொடர்பில் எழுப்பப்படுகின்ற கேள்விகளுக்கு பதிலளிப்பதற்கு எனக்கு அதிகாரமும் இல்லை, அக்கடிதம் பகிரங்கப்படுத்தப்பட்டிருந்தால் அது நேர்மையற்றது.

கடிதத்தின் பிரதியொன்று என்னிடமும் இருக்கின்றது. எனினும் ஜனாதிபதி பதிலளித்ததன் பின்னரே கடிதம் தொடர்பில் எழுப்பப்படுகின்ற கேள்விகளுக்கு என்னால் பதிலளிக்கமுடியும் என்றார்
20 வருடங்களுக்கு முன் கைதிகள் கொல்லப்பட்ட அதே தினத்தில் திட்டமிட்ட தாக்குதல் - இடதுசாரி முன்னணி கண்டனம்


இருபது வருடங்களுக்கு முன்பதாக அரசியல் கைதிகள் கொலை செய்யப்பட்ட அதே தினமான நவம்பர் 13ஆம் திகதி (இன்று) நேற்று வெள்ளிக்கிழமையன்று தமிழ் அரசியல் கைதிகள் மீது மிலேச்சத்தனமான தாக்குதல் மேற்கொள்ளப்பட்டமையானது திட்டமிட்டு மேற்கொள்ளப்பட்ட தாக்குதலாகும் என இடதுசாரி முன்னணியின் அமைப்புச் செயலாளர் சமல் ஜயநித்தி தெரிவித்துள்ளார். இத்தாக்குதலில் 8 பேர் காயமடைந்து வைத்தியசாலையில் அனுமதிக்கப்பட்டுள்ளமை அதிகாரிகளால் மறைக்கப்படுவதாகவும் குற்றம்சாட்டினார்.

கொழும்பு வெலிக்கடை மெகசின் சிறைச்சாலையில் நேற்று வெள்ளிக்கிழமை இடம்பெற்ற தமிழ் அரசியல் கைதிகள் மீதான தாக்குதல் தொடர்பாக கூறுகையிலேயே சமல் ஜயநித்தி இவ்வாறு தெரிவித்தார். இத்தாக்குதலானது ஏதேச்சையாக நடைபெறவில்லை. நன்கு திட்டமிட்டு முன்னெடுக்கப்பட்டுள்ளது. இங்கு கடமைபுரிந்த சிறைச்சாலை பாதுகாப்பு அதிகாரிகள் இடமாற்றம் செய்யப்பட்டு புதியவர்கள் நியமிக்கப்பட்டுள்ளனர். இவர்கள், தமிழ் அரசியல் கைதிகள் தங்கியுள்ள சிறைக் கூடத்திற்கு சென்று மிகக் கேவலமான முறையில் நிந்தித்துள்ளனர். இவ்வாறு ஏன் எம்மை நிந்திக்கின்றீர்கள் எனக் கேள்வி கேட்ட போதே சிறைச்சாலை பாதுகாப்பு அதிகாரிகளாலும் பெரும்பான்மை இன கைதிகளாலும் தமிழ் அரசியல் கைதிகள் மிலேச்சத்தனமாக தாக்கப்பட்டுள்ளனர்.

இத் தாக்குதலில் 8 பேர் பலத்த காயங்களுக்குள்ளாகி வைத்தியசாலைகளில் அனுமதிக்கப்பட்டுள்ளனர். ஏனையோர் கடுமையான தாக்குதலுக்கு உள்ளாகியுள்ளனர்.நாட்டில் இனவாதம் தலைதூக்கியுள்ள நிலையில், தமிழ் மக்களுக்கு நாட்டுக்குள்ளும் பாதுகாப்பில்லை; சிறைச்சாலைக்குள்ளும் பாதுகாப்பில்லாத நிலை தோன்றியுள்ளது.1970 1980 களில் அரசியல் கைதிகள் விடுதலை செய்யப்பட்டனர். ஆனால், இன்று ஏன் தமிழ் அரசியல் கைதிகளை விடுதலை செய்ய முடியாது. என்ன காரணம்? வேறொன்றும் அல்ல தமிழர் என்பதே காரணமாகும். இருபது வருடங்களுக்கு முன்பதாக இதே தினத்தில் தான் அரசியல் கைதிகள் கொலை செய்யப்பட்டனர் என்பதையும் இத் தருணத்தில் சுட்டிக்காட்ட விரும்புகிறேன் என்றும் சமல் ஜயநித்தி தெரிவித்தார்
மேலும் இங்கே தொடர்க...

14 நவம்பர், 2009

முல்லைத்தீவு மாவட்டத்தில் மீள்குடியேற்றத்திற்கான முதற்கட்ட நடவடிக்கை ஆரம்பம்-

முல்லைத்தீவு மாவட்டத்தில் மீள்குடியேற்றத்திற்கான முதற்கட்ட நடவடிக்கைகளை ஆரம்பித்துள்ளதாக வடமாகாண ஆளுநர் மேஜர்ஜெனரல் ஜீ.ஏ.சந்திரசிறி தெரிவித்துள்ளார். இதன் முதற்கட்டமாக முகாம்களில் இடம்பெயர்ந்த நிலையிலுள்ள 16ஆயிரத்து 394பேரைக் குடியமர்த்துவதற்கான நடவடி;ககை முன்னெடுக்கப்படுவதாக அவர் கூறியுள்ளார். இதற்கேற்ப நிவாரணக் கிராமங்களிலுள்ள 4415குடும்பங்கள் துணுக்காய் பிரதேசத்தின் 20கிராம சேவையாளர் பிரிவுகளில் மீள்குடியேற்றப்படவுள்ளனர். இதற்கிடையில் இதுவரையில் 1575குடும்பங்களைச் சேர்ந்த 5220பேர் துணுக்காய் மற்றும் மல்லாவி பிரதேசங்களில் மீள்குடியேற்றப்பட்டுள்ளனர். இந்நிலையில் மீள்குடியேற்றத்தின் பின்னர் அவர்களின் போக்குவரத்துத் தேவைகளுக்காக இரு பஸ்களை சேவையில் ஈடுபடுத்துவதற்கு போக்குவரத்து அமைச்சு இணக்கம் தெரிவித்துள்ளது. அத்துடன் இவர்களின் விவசாய நடவடிக்கைகளுக்காக ஐந்து உழவு இயந்திரங்கள் பெற்றுக்கொடுக்கப்படவுள்ளன என்றும் ஆளுநர் கூறியுள்ளார்.

மேலும் இங்கே தொடர்க...
யாழ்ப்பாணத்திற்கு எவ்வித பாதுகாப்பு அனுமதியுமின்றி பயணிக்க அனுமதி-

யாழ்ப்பாணத்திற்கு எவ்விதமான பாதுகாப்பு அனுமதியுமின்றி பஸ்களில் பயணிகள் செல்லக்கூடிய அனுமதி கிடைத்துள்ளதாக வவுனியா மாவட்ட அரசாங்க அதிபர் பீ.எஸ்.எம்.சார்ள்ஸ் தெரிவித்துள்ளார். இந்த நடைமுறை இன்று அல்லது நாளை அமுலுக்கு வருமென்றும் அவர் குறிப்பிட்டுள்ளார். யாழ். மாவட்டத்திற்கு செல்லுகின்ற பயணிகள் பல்வேறு பிரச்சினைகளுக்கு முகம்கொடுத்து, பாதுகாப்பமைச்சின் அனுமதியுடன் செல்லவேண்டிய தேவை இதுவரை காலமும் காணப்பட்டது. தற்போது ஜனாதிபதியின் விசேட பணிப்புரையின்கீழ் பாதுகாப்பு செயலர் கொழும்பிலிருந்து நேரடியாக யாழ்ப்பாணம் செல்வதற்கான பயண அனுமதியை வழங்கியுள்ளார். இன்றிலிருந்து அல்லது நாளையிலிருந்து இந்த நடைமுறை அமுலுக்கு வரவுள்ளது. எனவே பிரயாணிகள் எவ்வித பிரச்சினையுமின்றி, எந்தவித முன் அனுமதியுமின்றி தங்களுடைய பிரயாணத்தை மேற்கொள்ளக் கூடியதாக இருக்கும் எனவும் வவுனியா அரசஅதிபர் மேலும் தெரிவித்துள்ளார்.

மேலும் இங்கே தொடர்க...

13 நவம்பர், 2009


ராணுவப் புரட்சி ஏற்படும் என ராஜபட்ச அஞ்சினார்: பொன்சேகா


இலங்கையில் ராணுவத்தின் மூலம் தாம் ஆட்சியைப் பிடிக்கக்கூடும் என அச்சத்தாலேயே தம்மை ராணுவத் தளபதி பதவியில் இருந்து ராஜபட்ச நீக்கியதாக சரத் பொன்சேகா குறிப்பிட்டுள்ளார். ஆட்சிக் கவிழ்ப்பு முயற்சியில் ராணுவம் ஈடுபட்டால் உதவ வேண்டும் என இந்தியாவிடம் ராஜபட்ச கோரியிருந்ததாகவும் பொன்சேகா தெரிவித்திருக்கிறார்.விடுதலைப் புலிகளுடனான போருக்குப் பிறகு ராணுவத் தளபதி பதவியில் இருந்து விடுவிக்கப்பட்ட பொன்சேகா, முப்படைத் தளபதி என்ற கௌரவப் பொறுப்புக்கு மாற்றப்பட்டார். இந்நிலையில், இந்தப் பதவியிலிருந்து நேற்று அவர் ராஜிநாமா செய்துள்ளார்.அரசுக்கு அவர் எழுதிய ராஜிநாமா கடிதத்தில், பல்வேறு அமைப்புகளின் தவறான வழிகாட்டலால், ராணுவம் ஆட்சியைப் பிடிக்கக்கூடும் என்கிற முடிவுக்கு ராஜபட்ச வந்திருப்பதாகக் குறிப்பிட்டுள்ளார். நாட்டில் விடுதலைப் புலிகளுக்கு எதிரான போரில் வெற்றிகரமாகச் செயல்பட்ட ராணுவத்தை இப்படிச் சந்தேகக் கண்ணுடன் பார்ப்பது தம்மை வருந்தச் செய்திருப்பதாகவும் அந்தத் கடிதத்தில் பொன்சேகா தெரிவித்துள்ளார்
மேலும் இங்கே தொடர்க...
பல்கலைக்கழக மாணவி விடுவிக்கப்படாததால் பேராதனையில் தமிழ் மாணவர் பகிஷ்கரிப்பு

புலனாய்வுப் பிரிவினரால் விசாரணைக்காக அழைத்துச் செல்லப்பட்ட, கண்டி, பேராதனை பல்கலைக்கழக கலைப்பீட இரண்டாம் வருட மாணவி ஒருவர் இன்னமும் விடுவிக்கப்படவில்லை எனத் தெரிவிக்கப்படுகின்றது.

இது குறித்து சம்பந்தப்பட்ட தரப்பினர் உடனடி நடவடிக்கை எடுக்க வேண்டும் எனக் கோரி பல்கலைக்கழக கலைப்பீட தமிழ் மாணவர்கள் விரிவுரைகளை இன்று காலை முதல் பகிஷ்கரித்துள்ளனர். நேற்று வியாழக்கிழமை 2.15 மணியளவில் விரிவுரை நடந்து கொண்டிருந்த சமயம் பல்கலைக்கழகக் காவலாளி, புலனாய்வுப் பிரிவினர் விசாரணைக்கு அழைப்பதாகக் கூறி இம்மாணவியை அழைத்துச் சென்றுள்ளார். இதனையடுத்து மாணவர்கள் விரிவுரை மண்டபத்தை விட்டு வெளியே வந்த சமயம் புலனாய்வுப் பிரிவினர் அவரை ஜீப்பில் ஏற்றி அழைத்துச் சென்றதாக சம்பவத்தை நேரில் பார்த்த மாணவர்கள் தெரிவித்தனர்.

முதலில் இம்மாணவி பேராதனை பொலிஸ் நிலையத்தில் தடுத்து வைக்கப்பட்டிருந்ததாகத் தெரிவித்த பல்கலைக்கழக மாணவர்கள், இதனை அடுத்து அவர் தங்கியிருந்த பல்கலைக்கழக விடுதிக்கு அழைத்துச் செல்லப்பட்டதாகவும், அவரது பொருட்கள், உடைகள் என்பவற்றுடன் அவரை புலனாய்வுப் பிரிவினர், விசாரணைக்காகக் கொழும்பு அழைத்துச் சென்றதாகவும் தெரிவித்தனர்.

இவர் கிளிநொச்சியைச் சேர்ந்தவர். இவர் விசாரணைக்கு அழைத்துச் செல்லப்பட்டு இன்னமும் விடுவிக்கப்படாதது குறித்து மனித உரிமை ஆணைக்குழுவில் முறைப்பாடு செய்துள்ளதாகவும் பேராதனை பல்கலைக்கழக கலைப்பீட தமிழ் மாணவர்கள் தெரிவித்தனர்.
மேலும் இங்கே தொடர்க...
மரக்கறிகள் முதல் அனைத்தும் துணுக்காய் ப.நோ.கூ. சங்கத்தில் விற்பனை



இடம்பெயர்ந்த மக்கள் மீளக்குடியமர்ந்து வரும் முல்லைத்தீவு மாவட்டம் துணுக்காய் பிரதேச செயலர் பிரிவில் சுமார் ஒன்றரை வருடங்களின் பின்னர் துணுக்காய் பலநோக்குக் கூட்டுறவுச் சங்கம் செயற்படத் தொடங்கியுள்ளதாக அதன் தலைவர் தம்பிப்பிள்ளை பிரேமச்சந்திரன் தெரிவித்துள்ளார்.

மக்கள் நெருக்கமாகக் குடியிருக்கும் பிரதேசங்களில் நான்கு பலநோக்குக் கூட்டுறவுச் சங்கக் கிளைகள் தற்போது ஆரம்பிக்கப்பட்டுள்ளன. மேலும் மூன்று கிளைகளை உடனடியாகத் திறப்பதற்கான நடவடிக்கைகள் எடுக்கப்பட்டுள்ளன.

குழந்தைகளுக்கான பாலுணவுகள், மரக்கறிவகைகள் உட்பட அத்தியாவசிய உணவுப் பொருட்கள், மண்ணெண்ணெய் என்பனவும் முன்னுரிமை அடிப்படையில் இந்தக் கிளைகளின் ஊடாகப் பொது மக்களுக்கு விற்பனை செய்யப்பட்டு வருகின்றன.

மீள்குடியேற்றத்தின் முக்கிய அம்சமாகிய வீடுகளை அமைப்பதற்குரிய கூரைத்தகடுகள், கூரைவிரிப்புகள் மரம், தடிகள் என்பவற்றை அரசாங்கம் மட்டுப்படுத்தப்பட்ட அளவிலேயே மீளக்குடியமரும் மக்களுக்கு வழங்கி வருகின்றது.

இவற்றை விட மக்கள் மேலதிகமான மரம் தடிகள், கூரைத்தகடுகள் என்பவற்றையும், கூரைகளை அமைப்பதற்குத் தேவையான ஆணிகள் போன்ற முக்கிய பொருட்களையும் பலநோக்குக் கூட்டுறவுச் சங்கக் கிளைகளே விற்பனை செய்து வருகின்றன என்பது குறிப்பிடத்தக்கது.
மேலும் இங்கே தொடர்க...
மீளக்குடியமர்த்தப்பட்ட துணுக்காய் மக்களின் போக்குவரத்துக்கென இரு பஸ் வண்டிகள்


மாவட்டம் துணுக்காய் பிரதேசத்தில் மீளக்குடியமர்த்தப்பட்டுள்ள பொதுமக்களின் போக்குவரத்து வசதிக்கென இரண்டு பஸ்களை வழங்குவதற்கு ஏற்பாடுகள் செய்யப்பட்டுள்ளதாக வட மாகாண ஆளுனர் ஜி.ஏ.சந்திரசிறி தெரிவித்துள்ளார்.

வியாழனன்று துணுக்காய் 65 ஆம் படைப்பிரிவின் தலைமையகத்தில் துணுக்காய் பிரதேச மீள்குடியேற்ற நடவடிக்கை தொடர்பாகவும், மீள்குடியேற்றப்பட்ட மக்களின் தேவைகள் குறித்தும் ஆராயப்பட்ட உயர்மட்டக் கூட்டத்திலேயே வடமாகாண ஆளுனர் இந்தத் தகவலை வெளியிட்டுள்ளார்.

துணுக்காய் பிரதேச செயலகப் பிரிவுக்கு உட்பட்ட 20 கிராம சேவகர் பிரிவுகளில் 4415 குடும்பங்களைச் சேர்ந்த 16 ஆயிரத்து 394 பேரை அவர்களது சொந்த இடங்களில் மீளக்குடியமர்த்தும் நடவடிக்கையில் இதுவரையில் 1575 குடும்பங்களைச் சேர்ந்த 5220 பேர் மீளக்குடியமர்த்தப்பட்டுள்ளார்கள்.

இந்த மக்களின் அத்தியாவசிய தேவையாகிய போக்குவரத்து வசதிகளை ஏற்படுத்திக் கொடுப்பதற்காகப் போக்குவரத்து அமைச்சுடன் கலந்துரையாடியதன் பின்னர் இந்தப் பிரதேசத்திற்கென இரண்டு பஸ் வண்டிகளை வழங்குவதற்குத் தீர்மானிக்கப்பட்டுள்ளதாக வடமாகாண ஆளுனர் தெரிவித்துள்ளார்.

அத்துடன் நெற்செய்கையை இந்த மக்கள் ஆரம்பிப்பதற்கு வசதியாக 6 உழவு இயந்திரங்களை வழங்குவதற்கும் நடவடிக்கைகள் எடுக்கப்பட்டுள்ளன.

துணுக்காய் பிரதேச விவசாய அபிவிருத்திக்கென 14 மில்லியன் ரூபாவும், இந்தப் பகுதிகளில் உள்ள 19 பாடசாலைகளைத் திருத்தி அமைக்கவும், அபிவிருத்தி செய்வதற்குமென 39 மில்லியன் ரூபாவும் நிதி வழங்கப்பட்டுள்ளதாகவும் வடமாகாண ஆளுனர் இந்தக் கூட்டத்தில் தெரிவித்துள்ளார்.

இந்தப் பிரதேசத்தில் நாளாந்தம் 3000 (மூவாயிரம்) ஹெக்டேயர்களில் ஹலோ ட்ரஸ்ட் நிறுவனம் கண்ணிவெடிகளை அகற்றி வருகின்றது.

துணுக்காயில் நடைபெற்ற கூட்டத்தில் கலந்து கொண்ட முல்லைத்தீவு அரசாங்க அதிபர் திருமதி எமில்டா சுகுமார், வடமாகாண சபையின் பிரதம செயலாளர் சிவசுவாமி, துணுக்காய் பிரதேச 65 ஆம் படைப்பிரிவின் தளபதி மேஜர் ஜெனரல் மகிந்த ஹத்துருசிங்க, முல்லைத்தீவு மாவட்ட ஆயுதப்படைகளின் தளபதி மேஜர் ஜெனரல் நந்தன உடவத்த, கிளிநொச்சி மாவட்ட ஆயுதப்படைகளின் தளபதி மேஜர் ஜெனரல் அத்துல ஜயவர்தன ஆகியோர் ஹலோ ட்ரஸ்ட் நிறுவனத்தின் கண்ணிவெடி அகற்றும் பணிகளையும் நேரடியாகப் பார்வையிட்டு, அந்த நிறுவனத்தைச் சேர்ந்த அதிகாரிகளுடன், கண்ணிவெடிகள் அகற்றும் பணிகள் தொடர்பான முன்னேற்றம் குறித்தும் கேட்டறிந்து கொண்டனர்
மேலும் இங்கே தொடர்க...
ஐ.தே.மு கொள்கை விளக்கக் கோவை கையளிப்பு ஊர்வலம் ஆரம்பம்
ஐக்கிய தேசிய முன்னணியின் கொள்கை விளக்கக் கோவையினை கண்டி அஸ்கிரிய மற்றும் மல்வத்த பௌத்த பீடங்களைச் சேர்ந்த மகாநாயக்கர்களுக்குக் கையளிப்பதற்காக ஏற்பாடு செய்யப்பட்டுள்ள ஊர்வலம் சுமார் 250 வாகனங்களுடன் இன்று முற்பகல் கொழும்பு சுதந்திர சதுக்கத்தில் ஆரம்பமாகியது.

ஐக்கிய தேசியக் கட்சியின் தலைவர் ரணில் விக்கிரமசிங்க, ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம், ஸ்ரீலங்கா சுதந்திரக் கட்சியின் மக்கள் பிரிவின் தலைவர் மங்கள சமரவீர உள்ளிட்ட முன்னணியின் பாராளுமன்ற உறுப்பினர்கள் பலர் ஊர்வலத்தில் கலந்துகொண்டுள்ளனர். ஐக்கிய தேசிய முன்னணியினர் கண்டியில் நாளை விசேட மத வழிபாடுகளில் ஈடுபட்டபின்னர் மகாநாயக்கர்களை சந்திக்கவுள்ளனர்.
மேலும் இங்கே தொடர்க...